Светиот маченик Севиријан
9 септември (по стар стил)
Севастиски благородник. Во времето на мачењето на четириесеттемина маченици во Севастија (под 22 март), тој ги посетуваше во затворот и ги храбреше и им служеше. После нивната славна смрт и самиот беше фатен, биен и мачен за Христа и најпосле го обесија на дрво со еден тежок камен на вратот, а со друг на ногата. Го предаде својот дух вознесувајќи Му благодарност на Бога, во времето на царот Ликиниј, во 320 година.
