Преподобен Теофан

19 август (по стар стил)

Роден е во Јанина. Како момче остави сè и отиде на Света Гора, каде што се замонаши во Дохијарската обител. Им беше пример на монасите во постот, молитвата, себелишувањето од излишни нешта. Затоа, по некое време беше избран и за игумен. Но, подоцна заради некои несогласувања со монасите ја напушти Света Гора и со својот внук од сестра дојде во Бер (Верија) Македонска, каде основа еден манастир во чест на Пресвета Богородица. Кога манастирот процвета со духовен живот, тој го остави својот внук да управува со него, а самиот отиде во Науса, каде основа друг манастир во чест на Светите Ангели. Мирно се упокои во 4 век. Неговите чудотворни мошти и сега лежат во Науса и низ нив во изобилност се пројавува Божествената сила.