Преподобен Амвросиј Оптински
10 октомври (по стар стил)
Амвросиј (Гренков), јеромонах, (1812-1891) – Велик старец и подвижник, чија светост и богоугодност на живеењето Бог ја посведочи со многу чудеса, а народот – со искрена љубов, почит и благоговејно обраќање во молитва. Ученик на старците Леонид и Макариј, повеќе од 30 години помина во служење на луѓето. Основа и поткрепуваше многу манастири, а неговите писма и поуки се извор на духовна мудрост за оние кои сакаат спасение. Тој е праобраз на ликот на старецот Зосима во романот „Браќа Карамазови“ на писателот Ф. М. Достоевски кој неколку пати се има сретнато со светителот.
