Православен календар

Светиот маченик Уар

19 октомври (по стар стил)

Беше римски офицер во Египет и притоа потаен христијанин. Кога седуммина христијански учители беа фрлени во затвор, Уар ги посетуваше во затворот, ги снабдуваше со потребното и им служеше усрдно. Им се восхитуваше на мачениците и жалеше што и тој од страв не може да стане маченик за Христа. Но, оние Божји луѓе го охрабрија, па и Уар реши и самиот да појде со нив на маки. Еден од тие Божји луѓе се упокои во затворот. Кога нечестивиот кнез ги изведе мачениците пред себе и виде дека се шест, запраша каде е седмиот. Уар извика дека самиот е седмиот. Тогаш разјарениот кнез прво го зеде и го мачеше Уар. Нареди и го биеја гол со суви стапови; потоа го заврзаа за едно дрво и со ножеви му сечеа парче по парче од месото, додека не ја предаде светата душа на Господа. Неговото тело го фрлија на ѓубриште. Некоја жена, Клеопатра, родум од Палестина и вдовица на некој офицер, се најде тука со нејзиниот син Јован. Тајно ги зеде моштите на свети Уар од ѓубриштето и ги погреба во својот стан. Потоа измоли од кнезот дозвола да може да го пренесе од Египет во Палестина телото на својот упокоен маж. Како на офицерска жена кнезот тоа веднаш ѝ го дозволи. Но, блажената христијанка Клеопатра не го пренесе телото на својот маж, туку моштите на светиот маченик Уар. Таа ги однесе овие свети мошти во своето родно село Едра близу Тавор и таму чесно ги погреба. Потоа на свети Уар му подигна и храм. Светиот маченик често ѝ се јавуваше од оној свет, светол како ангел Божји.

Сподели на твитер
днсФевруари 2024
Ч119
П220
С321
Н422
П523
В624
С725
Ч826
П927
С1028
Н1129
П1230
В1331
С141
Ч152
П163
С174
Н185
П196
В207
С218
Ч229
П2310
С2411
Н2512
П2613
В2714
С2815
Ч2916
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
13
стар
стил
Февруари
26
Февруари
нов
стил
Понеделник. Не се пости.
Преп. Мартинијан (V); Преп. Зои и Фотина (V); Св. Симеон Мироточив (1200)
денови.мк
Поставете православен календар на Вашиот сајт, клик за кодот.

Поуки
од Светите Отци

Постот, молитвата, милостината и сите други христијански дела сами по себе си добри, но целта на христијанскиот живот не се состои само во нивното извршување. Вистинската цел на нашиот христијански живот е здобивање на Светиот Дух Божји. Постот, молитвата, милостината и секое добро направено поради Христа се средства за добивање на Светиот Дух. Забележете дека само она добро дело кое се извршува поради Христа ни принесува плодови на Светиот Духот, а сè што не е направено поради Христа, дури и да е добро, не ни носи награда во идниот век, а и во овдешниот живот не дава благодат Божја. Ете зошто нашиот Господ Исус Христос рекол: „Кој не собира со Мене, тој растура“ (Мт. 12. 30).

Преп. Серафим Саровски
Беседа за целта на христијанскиот живот

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
Facebook app privacy policy
© Денови.мк