Светиот маченици Евгениј и другите со него
21 јануари (по стар стил)
Светите маченици Евгениј, Кандид, Валеријан и Акила пострадаа за верата во Христа за време на царувањето на Диоклецијан и Максимијан (284-305), од полководецот Лисиј. Валеријан, Кандид и Акила во времето на прогонот се сокрија во планините, претпочитајќи да живеат со ѕверовите, отколку помеѓу паганите. Но, и таму беа најдени и доведени во Трапезунд. Тие смело и цврсто ја исповедаа верата Христова и затоа беа биени со волови жили и стругани со железо, а раните им беа посипувани со сол и горени со оган. По неколку дена беше фатен и Евгениј и исто така беше подложен на мачење. Потоа, сите беа фрлени во разгорена печка, но од таму излегоа неповредени. Кога го видоа тоа, мачителите им ги отсекоа главите.
