Свети Модест, патријарх Јерусалимски
18 декември (по стар стил)
Кога му умреа родителите, тој имаше пет месеци. По Божја Промисла тој сепак беше воспитан во христијански дух. Кога порасна му го продадоа како роб на некој незнабожец во Египет. Но, тој успеа да го обрати својот господар во верата Христова. Господарот му подари слобода. Тој се повлече на Синајската Гора и таму се подвизуваше сè до неговата педесет и деветта година. Тогаш го избраа за јерусалимски патријарх. Го пасеше Христовото стадо како вистински пастир и се упокои мирно во 633 година, во деведесет и седмата година од неговиот живот на земјата.
