Светата маченичка и девица Лукија (Луција)

13 декември (по стар стил)

Со мајка ѝ го посети гробот на светата Агатија во Катанија, каде што ѝ се јави самата света Агатија. Нејзината крвоточива мајка тогаш се исцели чудотворно во црквата. Лукија им го раздаде сиот свој имот на ништите, што го огорчи нејзиниот вереник, којшто ја обвини како христијанка кај судијата Пасхасиј. Злобниот судија нареди да ја одведат во блудилиште за да ја осквернат. Но, со Божја сила таа стана неподвижна, како закована за земјата и многу луѓе се обидуваа, но не можеа да ја помрднат. Тогаш некој разјарен незнабожец ѝ забоде меч во грлото и така таа Му ја предаде својата душа на Бога. Пострада во 304 година.