Светата маченичка Ника Коринтска и други пострадани со неа
16 април (по стар стил)
Светата маченичка Ника е родена на Коринт, кој во тоа време е главен град на Ахаја, просветлен од апостолот Павле. По милоста Божја, таа го сретна праведниот старец Кодрат, којшто ја обрати кон верата во Христа. По страдањето на свети Кодрат (10 март, по стар стил) и другите маченици со него, праведната Ника и другите жени, ученички на Кодрат: Галина, Хариеса, Калиса, Нунехија, Василиса, Гали и Теодора, подражавајќи го својот учител, доброволно појдоа на маки за Христа. Тие можеа да се сокријат, но не го направија тоа. Нив заедно со светиот Леонид ги фрлија во море, но тие не потонаа, туку одеа по водата и пееја духовни химни. Мачителите се качија во кораби и ги фатија, по што им врзаа камен на врат и така ги удавија. Овие маченици пострадаа на 16 април 258 година.
