Светиот свештеномаченик Кипријан
31 август (по стар стил)
Се роди од родители неверни, та и самиот беше воспитан во незнабоштво. Стана прочуен во Картагена како учител за философија и реторика. Беше женет. Но, кога стана христијанин, престана да живее со жената и се предаде на деноноќен подвиг на проучување на Светото Писмо и восовршување на својот карактер. Заради неговите необични добродетели беше избран за презвитер, а набрзо и за епископ. Колку што беше милостив кон христијаните толку беше тврд кон еретиците. Под раководство на Светиот Дух напиша бројни поучни дела. Особено снажно пишуваше против идолопоклонството, јудаизмот и ереста на Новатијан. Прекрасни му се написите за девственоста, за мачеништвото, за милостината, за трпението, за молитвата Господова итн. Пострада во времето на Валеријан и Галиен, во 258 година. Пред смртта Му се помоли на Бога, го благослови народот, и остави дваесет и пет златници за да му се дадат на џелатот што ќе го погуби. Тој е пример на недостижна христијанска величина и великодушност.
