Православен календар

Недела на раслабениот

трета недела по пасха

Кога се искачи Христос во Ерусалим за празникот Педесетница, дојде во бањата со пет тремови, што ја направи Соломон, која беше именувана „Витезда“, што на еврејски значи „дом на милосрдието“, а беше наречена уште и „Овча бања”, бидејќи во неа ги миеја утробите на овците што беа заклани и принесени како жртва во храмот. Таму еднаш годишно се исцелуваше и првиот којшто ќе влезеше во бањата по раздвижувањето на водата од страна на Ангелот. Таму Христос најде еден човек кој триесет и осум години лежел неподвижен чекајќи некој да го спушти во водата. Христос, Кој знаеше колкава е болката на тој човек кој се нарекуваше Јара, или некое име слично на ова, му рече: „Земи го одарот твој и оди.“ Веднаш тој оздраве и го зеде својот одар на плеќите, за да не помисли некој дека ова дело е привидение, и си отиде дома. Но, бидејќи беше сабота, Јудејците му бранеа да оди. Подоцна, Исус Го најде во храмот и му рече: „Ете, сега си здрав и повеќе не греши, за да не ти биде полошо.“ Кога раслабениот дозна дека Исус е Тој што го исцели, ги извести Јудејците. Тие, пак, се разгневија и сакаа да Го убијат Христа, бидејќи ја нарушуваше саботата. Исус им кажуваше многу работи, како и тоа дека е праведно да се прави добро и во сабота; дека Он е рамен на Отецот, Koj рекол оти треба да се почитува саботата, и дека и сега така постапува. Оние што ги пренесуваат овие зборови Христови пропуштиле да кажат дека раслабениот човек беше токму оној што подоцна Му удри шлаканица на Исуса кога Тој беше на суд пред првосвештеникот Кајафа. Поради ова тој ќе наследи во оној живот уште потешки маки во вечниот оган, отколку оние што му ги предизвикуваше парализата, не само триесет и осум години, туку за вечноста. Згора на тоа, Исус покажа дека неговата болест била причинета од неговите гревови. Меѓутоа, гревот не е причината за секоја болест; таа може да дојде и од некоја природна причина, од прејадување или од недостаток на исхрана, или од некои други причини. Треба да знаеме дека овој раслабен не е истиот за којшто зборува евангелистот Матеј, бидејќи она се случило внатре и дека имало луѓе кои му помагале на болниот, и дека Исус му рекол само: „Ти се проштаваат гревовите.“ Чудото за кое станува збор тука се случило во тремот на Соломоновиот храм, и болниот немал никој да му помогне. Но, и во двата случаи болните ги носеле своите одари. Ова чудо се празнува сега бидејќи тоа се случило во текот на Педесетницата. По Твојата неискажлива милост, Христе Боже наш, помилуј нè и нас, амин.

Сподели на твитер
днсЈуни 2023
Ч119
П220
С321
Н422
П523
В624
С725
Ч826
П927
С1028
Н1129
П1230
В1331
С141
Ч152
П163
С174
Н185
П196
В207
С218
Ч229
П2310
С2411
Н2512
П2613
В2714
С2815
Ч2916
П3017
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
21
стар
стил
Мај
3
Јуни
нов
стил
Сабота. Задушница. Не се пости.
+Рамноап. цар Константин (337) и неговата мајка царица Елена (327)
денови.мк
Поставете православен календар на Вашиот сајт, клик за кодот.

Поуки
од Светите Отци

Среќен е човекот во кого има љубов Божја, бидејќи он во себе Го носи Бога. Во кого има љубов, тој заедно со Бога е над сè. Во кого има љубов, тој не се плаши, од никого никогаш не се гнаси, пред никого не се превознесува, никого не клевети, а оние кои клеветат не ги слуша, не соперничи, не завидува, не се радува на туѓите падови, не го оцрнува оној којшто паднал, туку сочувствува со него и му помага, не го презира братот кој има потреба од нешто, туку се застапува и е готов да умре за него. Во кого има љубов, тој ја исполнува волјата Божја.

Преп. Ефрем Сирин
Духовно-морални писма

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
Facebook app privacy policy
© Денови.мк