Православен календар

Светите маченици Тарах, Пров и Андроник

12 октомври (по стар стил)

Тарах беше родум од Клавдиопол во Сирија; Пров од Сида Памфилиска, а Андроник - син на угледен граѓанин од Ефес. Мачени беа сите тројца заедно од антипатот Нумериј Максим во времето на царот Диоклецијан. Во времето на мачењето, Тарах имаше шеесет и пет години. Кога антипатот трипати го праша за името, тој сите трипати одговори: „Христијанин“. Прво ги биеја со стапови, па крвави и ранети ги фрлија во затвор. Потоа повторно ги изведоа на мачење. Кога антипатот го советуваше Пров да се одрече од Христа, ветувајќи му почести од царот и нудејќи му го своето пријателство, светиот Пров одговори: „Ниту почестите на царот ги сакам ниту твоето пријателство.“ А кога на свети Андроник му се закануваше со уште поголеми маки, младиот Христов маченик му одговори: „Моето тело е пред тебе, прави што сакаш.“ После долготрајни мачења по разни места, овие тројца маченици ги фрлија во театар пред ѕверовите. Пред нив, едни други маченици во истиот театар беа растргнати од ѕверовите. Но, на овие светители ѕверовите не сакаа да им наштетат, туку мечката и лавицата се умилкуваа околу нив. Кога го видоа тоа, многумина незнабожци поверуваа во Христа и му се развикаа на антипатот. Бесен од лутина, и полут од ѕверовите, антипатот им нареди на војниците, та влегоа и со сабји ги искасапија мачениците на парчиња. Телата им останаа измешани со мртвите тела на останатите осуденици. И бидејќи беа измешани со другите, а ноќта беше темна и христијаните беа во недоумение како да ги распознаат телата на мачениците, Му се помолија на Бога и одеднаш се појавија три свеќи над телата на тројцата светители. Потоа, ги зедоа и чесно ги погребаа.

Сподели на твитер
днсФевруари 2024
Ч119
П220
С321
Н422
П523
В624
С725
Ч826
П927
С1028
Н1129
П1230
В1331
С141
Ч152
П163
С174
Н185
П196
В207
С218
Ч229
П2310
С2411
Н2512
П2613
В2714
С2815
Ч2916
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
15
стар
стил
Февруари
28
Февруари
нов
стил
Среда. Не се пости.
Ап. од 70-те Онисим (109); Преп. Пафнутиј, затворник Печерски (XIII)
денови.мк
Поставете православен календар на Вашиот сајт, клик за кодот.

Поуки
од Светите Отци

Некој монах живеел во манастир и постојано се гневел. И решил: „ќе заминам од овде во осамено место, и бидејќи таму со никој нема да имам работа, ќе ме остави страста на гневот.“ Го напуштил манастирот и се населил во некоја пештера, сам. Некој ден, откако наполнил еден сад со вода, монахот го оставил на земјата, а садот се превртел надолу. Земајќи го, наполнил вода по втор пат, но садот повторно се превртел. Доаѓајќи си на себеси тој сфатил дека со него си поигрува ѓаволот и рекол: „еве јас се оддалечив во осаменост и победен сум од него! Ќе појдам повторно во манастирот; бидејќи секаде се потребни трпението и помошта Божја!“ И се вратил на претходното место.

Древен старечник, 7. 38

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
Facebook app privacy policy
© Денови.мк