Свети Гликериј земјоделец
23 април (по стар стил)
Кога светиот великомаченик Георгиј беше ставен во затвор, се расчу за него по целиот град и околината. Мноштво луѓе доаѓаше ноќе во затворот, давајќи им големи дарови на чуварите, за да можат да го видат светителот и од него да го почувствуваат духот на храброста, на радоста, на верата и љубовта. Помеѓу овие луѓе беше и сиромашниот Гликериј. Во свој посед имаше само еден вол, кој пцовиса дури со него ја работеше нивата. Гликериј падна пред нозете на свети Георгиј и го молеше да му помогне. Гледајќи ја неговата искрена исповед дека верува во Бога, светиот му рече да не се грижи, затоа што неговиот вол е жив. Кога си дојде дома, најде дека навистина неговиот вол е жив. Се врати при светиот Георгиј да му се заблагодари викајќи гласно: „Голем е Богот на Георгиј“. Заради тие зборови беше фатен и ставен во затвор, и на крај и самиот пострада посечен со меч.
