Православен календар

Свети Алексеј Мечев

9 јуни (по стар стил)

Московскиот старец Алексеј Мечев е роден на 30 март 1859 година. Свети Филарет Московски му го даде името по светиот Алексеј, човек Божји. Добросрдечен, со тивок и мирољубив карактер. Иако со голема желба да стане лекар та најплодотворно да им служи на луѓето, од послушност ѝ се потчини на мајчината волја и стана свештеник. Подоцна сфати дека го најде својот вистински призив. На 1 април 1893 година беше ракоположен за свештеник и назначен на служба во храмот на свети Николај Чудотворец во Маросејка - црквичка со мала парохија. Отец Алексеј, за разлика од другите мали московски храмови, во својата црквичка воведе секојдневна богослужба. Не ја загуби ревноста ниту падна во малодушност иако осум години служеше во празна црква и другите свештеници му велеа дека напразно се труди. Со текот на времето се расчу низ Москва дека во Маросејка може секој ден да се исповедаш и причестиш. Намачените, обременетите со животни проблеми, паднатите луѓе поитаа во црквичката. Од нив се пронесе глас за нејзиниот добар старешина. По смртта на сопругата, праведниот Јован Кронштадски го благослови на подвигот на старчество, за кој беше подготвен со многуте години вистински подвижнички живот. „Биди со народот, влези во туѓата мака, земи ја на себе и тогаш ќе видиш дека твојата беда е безначајна во споредба со општата“ - му рече великиот пастир. Отец Алексеј доби од Бога благодатен дар на прозорливост. Луѓето забележуваа дека му е познат сиот нивен живот, како надворешните случувања, така и внатрешните стремежи, мисли. Отецот при храмот отвори основно црковно-парохиско училиште и прифатилиште за сирачиња и деца на сиромашни. Во текот на 13 години беше и вероучител во приватна женска гимназија. Благослови свое духовно чедо да иконописа и на тој начин помогна во возобновувањето на стариот руски иконопис, веќе неколку векови заборавен. Проповедите му беа прости, искрени, не се одликуваа со красноречивост. Кажаното ги трогнуваше срцата со длабочината на верата, справедливоста, сфаќањето на животот. Современите оптински подвижници му беа духовни пријатели; московјаните кои доаѓаа кај нив ги праќаа кај светиот старец, нему велејќи му дека во подвигот што ги надминува човечките сили - долгите и ревносни служби, бескрајните редици за исповед и Причест - обилно е поткрепен од Бога. Светиот патријарх Тихон му го довери делото на обединување на московскиот клир. Старецот мирно се упокои на 22 / 9 јуни 1923 година. По десет години, кога заради затворањето на гробиштата останките на отец Алексеј требаше да бидат пренесени на други гробишта, се откри дека телото му е нетлено. Во 2000 година старецот Алексеј беше вброен во Соборот на Светите. Моштите му беа пренесени во црквичката на свети Николај во Маросејка.

Сподели на твитер
днсЈуни 2022
С119
Ч220
П321
С422
Н523
П624
В725
С826
Ч927
П1028
С1129
Н1230
П1331
В141
С152
Ч163
П174
С185
Н196
П207
В218
С229
Ч2310
П2411
С2512
Н2613
П2714
В2815
С2916
Ч3017
Строг пост
Масло
Риба

Без месо
Пост
Не се пости

Правило на постот за денес:
МаслоМасло
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
17
стар
стил
Јуни
30
Јуни
нов
стил
Чет., Апостолски пост. Масло.
Мч-ци Мануил, Савел и Исмаил Персијски (362)
денови.мк
Поставете православен календар на Вашиот сајт, клик за кодот.

Поуки
од Светите Отци

Некои луѓе после изучувањето на светската литература се обрнуваат кон Светите Писанија, но не се обидуваат да ги познаат мислите на пророците и апостолите, туку почнуваат сè што самите говорат да го сметаат за закон Божји бидејќи за своите сопствени мисли несоодветно принесуваат докази од Светото Писмо. Дури тоа го сметаат за добро дело, а не за најпорочен вид на учење – да ги извитоперуваш мислите од Светото Писмо и произволно да ги потчинуваш на себеси, не земајќи ги пред вид очигледните противречности... Само на децата и на шарлатаните им е својствено другите да ги поучуваат во она што ни самите не го разбираат.

Бл. Јероним
Писмо кон св. Павлин

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
© Денови.мк