Преподобниот патрициј Петар
1 јули (по стар стил)
Овој светител беше цариградски благородник и војвода во времето на царот Никифор. Во една од војните со Бугарите царот Никифор беше убиен, а Петар со педесетмина грчки војводи и кнезови беше заробен и фрлен во затвор. Од затворот чудесно го ослободи свети Јован Богослов. Тогаш тој ја презре целата светска слава, ги остави жената и синот и се оддалечи на гората Олимп, каде што како монах и ученик на свети Јоаникиј Велики се подвизуваше триесет и четири години. После смртта на жена му и на син му, се насели во Цариград, каде што во пост и во молитва помина уште осум години и се упокои во Господа во 865 година, во седумдесет и седмата година од неговиот живот.
