Светите маченици Аристоклиј, Димитријан и Атанасиј
20 јуни (по стар стил)
Аристоклиј беше свештеник во соборната црква во градот Тамас на Кипар и водеше богоугоден живот. Заради својата голема ревност се удостои со глас од небото да оди во Саламина Кипарска за да прими венец на мачеништво. Му се придружија и ѓаконот Димитријан и чтецот Атанасиј. Кога овие Божји луѓе дојдоа во Саламина, почнаа да Го проповедаат Христа. Незнабожците ги фатија и откако ги намачија, Аристоклиј го убија со меч, а Димитријан и Атанасиј ги изгореа во оган, во 306 година.
