Свети Марон, пустиник сириски
14 февруари (по стар стил)
Преподобниот Марон избрал за себе подвиг на живеење без кров над главата. Се качил на една планина во Сирија, недалеку од Антиохија, каде што имало разурнат идолопоклонички храм и таму се населил. Таму направил мала колиба која ја отстапувал на оние кои доаѓале кај него. Заради својот богоугоден живот, од Бога стекнал дар да исцелува: со силата на својата молитва кон Бога тој исцелувал разни болести и изгонувал зли демони. Потоа, преподобниот Марон основал многу монашки обители и многу монаси со подвигот на постот ги направил угодници Божји. По краткотрајно боледување, преподобниот мирно се упокоил, кон крајот на IV век.
