Светите Акила и Прискила
13 февруари (по стар стил)
Светите апостоли Акила и Прискила беа сопружници, јудејци од Мала Азија. Престојуваа во Коринт занимавајќи се со изработка на шатори, водејќи добродетелен и благочестив живот. Кога апостолот Павел го посети Коринт за да го проповеда Евангелието, овие сопружници му пружија топло гостопримство. Тие поверуваа во Господа Иисуса Христа слушајќи ја проповедта на Павел и се крстија. Апостолот Павел толку бил толку впечатлен од нивните добродетели и христијанските дела, што ги спомнува во своите посланија. Подоцна, гонителите на христијанството ги фатија и ги погубија со отсекување на главите овие светители, кои на апостолското дело му го приброија и мачеништвото.
