Преподобен Макариј Александриски
19 јануари (по стар стил)
Роден е во Александрија и најпрво беше продавач на овошје. Се крсти дури во четириесеттата година и замина на подвиг. Најпрво му беше ученик на светиот Антониј, заедно со Макариј Велики, а потоа стана игумен на манастирот Келии, меѓу Нитрија и Скитот. Нешто е помлад од другиот Макариј, па и умре подоцна од него. Живееше над сто години. Мачен од ѓаволските искушенија, особено од искушението на славољубието, се смируваше себеси со претешки подвизи и непрестајна молитва, постојано воздигнувајќи го умот кон Бога. Еднаш еден брат го виде како полни кош со песок, па го носи по ридот и го истура. Братот зачуден го праша: „Што правиш?“ „Го мачам оној што ме мачи мене“ (т.е. ѓаволот). Се упокои во 393 година, на старост над сто години.
