Свети Калист II, патријарх Цариградски
22 ноември (по стар стил)
Наречен Ксантопулос според келијата Ксантопула на Атонската Гора, каде што тој се подвизуваше долго време. Во 1397 година, при императорот Мануил Палеолог, беше воздигнат на патријаршискиот престол. Потоа го остави управувањето со Цариградската Црква и повторно се повлече на Света Гора. Заедно со својот соподвижник Игнатиј во сто глави го опишаа сопствениот опит во безмолвниот живот. Ова дело зазема мошне видно место во подвижничката книжевност.
