Свети Олаф, крал на Норвешка
29 јули (по стар стил)
Еден од последните западни светци, пред големата шизма, кои се почитувани и во Православната Црква. Роден во 995 година, а Крштение прими во 1013 година. Склучи мир со Шведска и Данска и за главно дело го зеде распространувањето на христијанството во Норвешка. Ја подигна првата православна црква во Тронхајм, во чест на Светиот Климент Римски. Помалите норвешки владетели смислија заговор против него и го убија во битка. Неговото тело беше положено во црквата Свети Климент и бидејќи се покажа чудотворно, Олаф беше вброен во ликот на светителите. Уште тогаш, споменот за него почна да се празнува и во Русија.
