Пеѓа Славни

Биографија

Предраг Икониќ, наречен Пеѓа Славни, е роден на 22 мај 1974 година во Сараево. Првиот стрип го објавил како средношколец во стрип фанзинот „Madcap“. Делувал во рамки на стрип-групата „New Art“, која издала и еден број на истоимениот фанзин. Денес живее и работи на Палами, Источно Сараево. Објавувал кратки стрипови, илустрации и карикатури во списанијата „Бумеранг“, „Еон“, „Секстаза“, „Бука“, „Пресинг“, „Стрип Пресинг“, „Ре“, „Жврљоскоп“, „Млад економист“, „Машинец“, „Филозоф“, „Правник“, „Билтен на машинијадата“, „Носорог“, „Парабелум“. Автор е на стрипот „Жорж Страшниот“ кој излегувал во електронска форма. Изложувал на многу групни изложби. По сценарио на Дејан Стоиљковиќ, работел на стрипот „Екстра Геџа – татко на суперхероји“. Со сценаристот Владимир Тадиќ работел на стрипот „Од револт“ кој излегува во електронска форма. Заедно со дваесетина други автори го уредил и нацртал стрип албумот „Сараевски атентат / Србите во Првата светска војна“, а заедно со Милан Младиќ го реализирал стрип албумот „Стрипказни“ кој се состои од стрипови според приказните на Петар Кочиќ. Активен член е на Здруженјието на стрип-автори на Република Српска и уредник на матичното списание „Парабелум“, кое има осум броеви до сега.