Светите Седумдесет маченици

5 септември (по стар стил)

На чело со Урван, Теодор и Медимнон беа избрани од цариградските христијани во времето на Валентовото гонење на православните, како најблагочестиви и најугледни граѓани на престолнината да појдат во Никомидија за да го молат царот еретик (аријанец) да им ги поштеди животите на православните христијани. Царот се разјари и им рече да се вратат, а тајно им нареди на корабџиите кога ќе отпловат со коработ на море да го запалат, а самите да скришно да се вратат со чамец. Злите слуги на злобниот господар направија така. Телата на овие храбри седумдесетмина беа изгорени и потопени во морето, а нивните души испливаа во пристаништето на вечното блаженство.