Свети Јован Постник, патријарх Цариградски

2 септември (по стар стил)

Се празнува и на 12 септември. Најпрво беше златар, па по Божја Промисла, а заради својата голема добродетелност, беше посветен за свештеник. Како млад, свети Јован еднаш одеше со некој стар монах, Евсевиј, од Палестина. Одеднаш му дојде глас на Евсевиј од некој невидлив: „Авво, не оди од десната страна на великиот Јован!“ Вака гласот Божји ја навестуваше големата служба на која Јован наскоро требаше да биде повикан. По блажениот Евтихиј, Јован беше избран за патријарх Цариградски. Никако не сакаше да го прими тој чин, но му беше заповедано со некое небесно видение, па затоа прими. До својата смрт беше испосник, молитвеник и чудотворец. Се упокои во 595 година. По неговата смрт како единствена сопственост кај него најдоа една дрвена лажица, една ленена кошула и една стара облека. Прочуени се неговите списи за покајанието и за исповедта.