Светите маченички Зинаида и Филонила
11 октомври (по стар стил)
Маченичките Зинаида и Филонила беа роднини на светиот апостол Павел, родум од Тарс. Тие го напуштија својот дом и се преселија во пештерите близу градот Димитријада и таму живееја во непрекината молитва и труд. Поседуваа лекарска вештина и ги лечеа сите коишто им се обраќаа за помош, а истовремено со лекувањето на телото им ги исцелуваа и душите обраќајќи ги кон Вистинскиот Бог. Заради својата ревност за Господа, проповедничките примија маченички венци: идолопоклониците ги убија со камења.
