Преподобен Павле Препрости
4 октомври (по стар стил)
До својата шеесетта година живееше во светот како оженет човек. Кога ја затекна својата жена во грев, остави сè и отиде во пустината кај свети Антониј, па се замонаши кај него. Иако беше прост и некнижевен, достигна такво духовно совршенство што ја гледаше душата на секој човек како што обичните луѓе ги гледаат човечките тела. Беше и голем чудотворец, па во некои случаи и го надмина и светиот Антониј. Се упокои во длабока старост, во 340 година, и влезе во радоста на Ангелите.
