Светите маченички Гајанија, Рипсимија и останатите триесет и пет монахињи

30 септември (по стар стил)

Заради верата во Христа ги погуби царот Тиридат. Света Рипсимија беше необично убава, заради што царот Диоклецијан сакаше да ја земе за жена. Оттука и почна страдањето на сите триесет и седум монахињи. Рипсимија одрече да појде за царот, зашто Му се имаше посветено на својот Женик Христос. Диоклецијан му го соопшти тоа на Ерменскиот цар Тиридат, па Тогаш Тиридат ја принудуваше да појде за него, зашто беше како опиен од нејзината убавина. Но свети Рипсимија со сета своја сила го одбиваше царот. И оној којшто кнезовите Готски ги победи и Персијците ги порази, не можеше да совлада една девица Христова. Јаросен, царот ја предаде на лути маки (ѝ го отсекоа јазикот, ѝ го расекоа стомакот и ѝ ја истурија утробата), при што Рипсимија Му ја предаде својата света душа на Бога. Потоа ги фатија и останатите монахињи и ги убија со меч. Над моштите на овие маченички беше подигнат прочуениот Ечмијаѕински манастир, близу Ериван, главен духовен центар во Ерменија низ многу векови.