Светиот маченик Фока Градинарот

22 септември (по стар стил)

Тој е сограѓанин на свештеномаченикот Фока. Во Синоп, близу Црното Море, Фока имаше градина којашто самиот ја обработуваше. Со плодовите на својата градина ги гостеше сите минувачи, а не пропушташе ни да им ја нагости душата со словото Божјо. За него слушна кнезот мачител на христијаните и испрати војници да го убијат. Фока ги нагости војниците толку срдечно, што тие се стеснуваа да го убијат. Но, на негова молба тие ја извршија заповедта и му ја отсекоа главата. На тоа место, а врз неговите чудотворни мошти, наскоро е подигнат храм посветен на неговото име. Свети Фока го почитуваат особено морнарите и го повикуваат на помош сите патници по море. Пострада во 320 година.