Маченици Викторија и Ацискл Кордобски
17 ноември (по стар стил)
Пострадаа во време на гонењето на императорот Диоклецијан, во почетокот на IV век. Ацискл и Викторија беа брат и сестра, родум од Кордоба, или од околината на градот. Водеа праведен живот. Кога почна гонењето на христијаните, тие беа повикани кај чиновникот Дион. После долги измачувања, Ацискл беше обезглавен во градскиот амфитеатар, а Викторија убиена со стрела. Нивните тела ги зеде Матрона Минцијана и ги погреба на својот имот. На тоа место подоцна беше изградена црква, а во XIII век беше основан и манастир.
