Праведен Аарон Првосвештеник
12 март (по стар стил)
Првиот старозаветен првосвештеник. Син на Амрам и Јохаведа, од коленото Левиево, постар брат на пророкот Мојсеј. Роден во Египет, му помагаше на Мојсеј при ослободувањето на еврејскиот народ од египетското ропство, јавувајќи се пред фараонот како претставник на пророкот, кој говори од негово име. Аарон учествуваше во 40-годишното странствување на Евреите по пустината, каде што и беше од Бога поставен за првосвештеник. Се упокои на 123 годишна возраст, во 1445 година пред Христа, на гората Ор, во пустината, не достигнувајќи ја ветената земја, исто како и Мојсеј. Целиот род Ааронов беше избран за свештеничко служење во старозаветната Црква, и првосвештенството на неговите потомци се зачува сè до доаѓањето на Христа спасителот на земјата. Од потомството на Аарона беше и Елисавета, мајката на свети Јован Крстител. Според учењето на светиот апостол Павел, Аарон како првосвештеник е праобраз на Исуса Христа, кој е Првосвештеник на Новиот Израил, на новозаветната Црква.
