Преподобен Агатон
2 март (по стар стил)
Голем египетски подвижник од 5 век. Современик на светиот Макариј и на неговиот ученик, свети Лот. Се грижеше да ги исполнува сите Божји заповеди. Некој од браќата му го пофали ноженцето со кое сечеше прачки за плетење кошници. Кога го слушна светителот со радост му го подари ноженцето на братот. Говореше свети Агатон: „За мене би било задоволство да можам на себе да го земам телото на некој лепрозен, а нему да му го дадам моето“. Ете пример на совршена љубов.
