Преподобен Варсонуфиј

29 февруари (по стар стил)

Родум од Палестина. Роден како незнабожец, а се крсти во својата осумнаесетта година и веднаш се замонаши и го доби името Јован. Кога се прочу со својот доблесен живот, го избраа за архиепископ на Дамаск. Но, не остана долго на таа положба. Жеднеејќи по осамен духовен подвиг, тајно го напушти Дамаск и отиде во Нитриската пустина. Овде се пријави под името монах Варсонуфиј и веднаш доби послушание да биде манастирски водоносец. Некогашниот архиепископ ова послушание го прими со радост. Со своето расудување и со другите скапоцени доблести наскоро им стана пример на сите монаси. Дури пред смртта на монасите им беше откриено кој е тој. Така, овој светител послужи со својот пример за укор на гордите и властољубивите, а за утеха на смирените и кротките. Се упокои мирно, во 457 година.