Новомаченик Аргир Солунски
11 мај (по стар стил)
Светиот Аргир (Сребре) беше роден во 1788 во градот Апаноми, во Македонија. Од детството работеше во шивачка работилница во Солун. Кога имаше 18 години, во некоја кафеана, тој посрамоти некој човек што претходно се беше одрекол од христијанството, па тој се покаја и се врати во лоното на Православната Црква. Заради тоа Аргир беше фатен од јаничарите и ставен во затвор. Беше изведен на суд и принудуван да се откаже од христијанството, но светителот остана непоколеблив. Беше обесен во местото наречено Кабана, во 1806 година.
