Светата царица Тамара грузиска
1 мај (по стар стил)
Светата благоверна царица на Грузија, Тамара Великата, е родена околу 1165 година. Потекнуваше од древната грузиска династија Багратиди и од 1178 година беше совладетелка на својот татко, Георгиј III. Времето на царувањето на светата Тамара е познато како златен век на грузиската историја: царицата Тамара се одликуваше со високо благочестие и продолжувајќи го делото започнато од нејзиниот дедо, благоверниот цар Давид III Возобновител (се слави на 26 јануари), придонесе за широкото распространување на христијанската вера по цела Грузија и за подигање на многу цркви и манастири. Во 1204 година управителот на румскиот султатнат, Рукн-ед-Дин, ѝ се обрати на Тамара со барање Грузија да се откаже од христијанството и да прими ислам. Царицата Тамара го одби тоа барање, и во историската битка близу Басијана, грузиската војска ја разби коалицијата на муслиманските владетели. Мудрото управување на благоверната царица Тамара ја привлече сенародната љубов. Последните години од животот ги помина во пештерскиот манастир Варѕиа. Благоверната царица имаше ќелија која имаше мало окно кон храмот, преку кое можеше да ги вознесува молитите кон Бога во време на богослужењето. Се упокои мирно во 1213 година и беше вброена кон ликот на светителите.
