Свети Донат
30 април (по стар стил)
Епископ во Еврија Албанска. Бог му даде голема благодат на чудотоворство, па правеше многу чуда корисни за луѓето. Така претвори горчлива вода во пивка, низведе дожд во сушно време, ја исцели од лудило царската ќерка, воскресна мртовец. Овој мртовец му го имаше исплатено долгот на својот заемодавец, но бидејќи несовесен заемодавецот сакаше уште еднаш да си го наплати долгот и го бараше од вдовицата на покојниот. Вдовицата плачеше и му се жалеше на епископот. Свети Донат го опомена заемодавецот да почека да го погребаат човекот пред да поразговараат за ова. Но, заемодавецот настојуваше со жестокост. Тогаш свети Донат му пристапи на мртовецот, го фати и му викна: „Стани, брате, и види што имаш со твојот заемодавец!“ Мртовецот се крена и со страшен поглед го погледна својот заемодавец, па му кажа каде и кога му го платил долгот. И уште ја побара од овој заемодавец својата писмена обврзница. Исплашен, заемодавецот му ја врачи неговата хартија, мртовецот ја искина и повторно легна и се упокои. Свети Донат мирно се упокои во длабока старост и отиде кај Господа во 387 година. Неговите мошти почиваат во Еврија, во Албанија.
