Свети Јоаникиј Девички
26 април (по стар стил)
Србин од Зета. Како млад обземен од љубовта Христова го остави домот и родителите и се оддалечи во пределите на Ибар, во една пештера во којашто според Преданието се подвизувал свети Петар Коришки. Но, кога неговата слава почна да се разгласува меѓу луѓето, побегна во Дреница и се скри во густата шума Девичка. Свети Јоаникиј помина во таа самотија години и години во тихување и безмолвие. Според преданието, светителот таму ја исцели лудата ќерка на српскиот кнез Ѓураѓ Бранковиќ. Од благодарност кнезот му подигна манастир на тоа место, познат и денес под името Девич. Таму почиваат светите чудотворни мошти на свети Јоаникиј. Во тој манастир не толку одамна се подизуваше прославената и богоугодна испосничка монахиња Ефимија. Народот ја нарекува блажената Стојна. Таа се упокои во Господа во 1895 година.
