Блажениот Аврелиј Августин, епископ Ипонски
15 јуни (по стар стил)
Аврелиј Августин е роден во Северна Африка во IV век. Татко му беше незнабожец, а мајка му христијанка. Заради советите, солзите и молитвите на мајка му Моника, се обрати од незнабоштво во христијанство. Голем учител на Црквата и влијателен писател, со извесни неодобрени крајности во учењето. Триесет и пет години Го прославуваше Господа како епископ Ипонски, а на земјата поживеа, сè на сè, седумдесет и шест години (354 - 430).
