Светиот Бид Многупочитуван

27 мај (по стар стил)

Англичанец. Уште како 8 годишно момче замина во манастир, каде што го помина целиот живот во молитва и созерцание. Во текот на шесте децении поминати во манастир, само во два наврати излезе од манастирот на кратко време. Беше рано замонашен и ракоположен во свештенички чин. Се посвети на учење, ги изучи и латинскиот и грчкиот јазик, па ги читаше текстовите и на западните и на источните свети отци. Напиша многу трудови, од кои најпозната е „Историјата на англискиот народ“, но уште пообемни се неговите толкувања на Светото Писмо, беседите и житијата на англиските светци, како и преводот на Светото Писмо на древноанглиски јазик. Се упокои на 25 мај 735 година, а недолго после тоа, неговите мошти беа најдени нетлени. Во 20 век, од страна на Руската Црква во Англија, вброен е помеѓу православните светители.