Православен календар

Свети Јован Рус, исповедник

27 мај (по стар стил)

Роден е кон крајот на 17 век во Малорусија. Служеше како војник во армијата на Петар I и учествуваше во руско-турската војна. Беше заробен од татарите, и предаден на Турците. Турците се обидуваа затворениците да ги преобратат во муслиманската вера, и оние кои се противеа беа многу мачени. Но, при сето тоа младиот Јован не потклекна, туку остана цврст во својата вера. Некој турски бег го купи за да му биде роб, го постави да живее во штала, помеѓу животните, и постојано го малтретираше за да се откаже од верата, но светиот Јован му рече: „Ќе ти служам во сè, но дури и да ме убиеш нема да се откажам од Христа и од православната вера.“ Помина повеќе години живеејќи заедно со скотовите и поднесувајќи секакви малтретирања и потсмевања, но сепак, тој ревносно му служеше по цели денови на својот господар, бегот, додека ноќите ги поминуваше во молитва кон Господа. Повремено, скришум одеше да се моли во блискиот храм на великомаченикот Георгиј, каде што се причестуваше на празниците. Поради неговата смиреност, Господ почна преку него да врши разни чудеса. Еднаш, кога неговиот господар, бегот, беше на аџилак во Мека и Медина, неговите домашни приготвија трпеза и силно посакуваа и бегот да јаде заедно со нив, бидејќи беше подготвено неговото омилено јадење. Кога го чу тоа, Јован зеде една чинија и рече: „Јас ќе му ја однесам оваа храна на мојот господар.“ На тоа сите се изнасмејаа, и заради потсмев му дадоа една чинија од јадењето, а кога тој подоцна им соопшти дека му го предал јадењето на бегот, го обвинија дека самиот го изел. Но, кога бегот се врати од патувањето, ја донесе со себе чинијата која го носеше обележјето на неговиот дом, и раскажа дека на чудесен начин му била принесена во пустината. По тој настан, бегот го ослободи Јован и му дозволи да живее како што сака, но Јован замоли да остане да живее во шталата како и до тогаш. Заради сите маки, се упокои на млада возраст од 36 години. Пред смртта, побара свештеникот да го причести, а свештеникот плашејќи се да дојде со Светата Причест во домот на турскиот бег, ја скри Причеста во едно јаболко кое му го даде на Јован. По причестувањето, Јован му ја предаде својата душа на Господа, на 27 мај 1730 година. Три години по неговото упокоение, на местото каде што беше закопан христијаните навечер гледаа столб од светлина, та се решија да го откопаат, и го најдоа неговото тело сосема нераспаднато. Светителот почнаа да го почитуваат не само православните, туку и Ерменците и Турците. Неговите мошти сè уште се нераспаднати и се наоѓаат на островот Евија, во Грција, и постојано преку нив се случуваат многу исцеленија и чудеса.

Сподели на твитер
днсЈуни 2022
С119
Ч220
П321
С422
Н523
П624
В725
С826
Ч927
П1028
С1129
Н1230
П1331
В141
С152
Ч163
П174
С185
Н196
П207
В218
С229
Ч2310
П2411
С2512
Н2613
П2714
В2815
С2916
Ч3017
Строг пост
Масло
Риба

Без месо
Пост
Не се пости

Правило на постот за денес:
Строг постСтрог пост
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
16
стар
стил
Јуни
29
Јуни
нов
стил
Сре., Апостолски пост. Строг пост.
Св. Тихон, еп. Аматунтски (425); Преп. Тихон Медински (1492)
денови.мк
Поставете православен календар на Вашиот сајт, клик за кодот.

Поуки
од Светите Отци

Не се раздразнувај на оние кои грешат... немај страст да ги забележуваш кај ближниот разните гревови и да го осудуваш, како што обично правиме; секој за себе ќе даде одговор пред Бога... особено не гледај злонамерно на гревовите на оние кои се постари од тебе, бидејќи тоа не е твоја работа... ти исправај ги своите гревови и своето срце.

Св. Јован Кронштадски
Мојот живот во Христа, I, 6

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
© Денови.мк