Благоверните кнез Петар (во монаштво Давид) и кнегињата Февронија (во монаштво Евфросинија), Муромски чудотворци
25 јуни (по стар стил)
Благоверниот кнез Петар беше втор син на Муромскиот кнез Јуриј Владимирович. Стапи на Муромскиот престол во 1203 година. Неколку години претходно заболе од лепра и никој не успеваше да го излечи. Во видение на сон му беше откриено дека може да го исцели само ќерката на еден пчелар, благочестивата дева Февронија, селанка од селото Ласково во Рјазанската земја. Светиот Петар во тоа село ги испрати своите луѓе. Кога ја виде светата Февронија, толку ја засака заради нејзиното благочестие, мудрост и добрина, што дал завет дека ќе се ожени за неа откако ќе оздрави. Светата Февронија го исцелила и се омажила за него. Светите сопрузи ја зачуваа својата љубов при сите искушенија. Гордите бољари не сакаа да имаат кнегиња од пониските општествени слоеви и бараае од кнезот да ја остави. Тој одби, па двајцата сопружници беа изгонети. Тие на чамец отпловија по реката Ока и го напуштија градот. Светата Февронија го поддржуваше и утешуваше светиот Петар. Скоро потоа, врз градот Муром се изли гневот Божји и народот бараше да се врати кнезот, заедно со светата Февронија. Светите сопружници се прославијае со своите благочестие и милосрдие. Умреа на ист ден и час, на 25 јуни 1228 година, откако претходно примија монашки потстриг со имињата Давид и Евфросинија. Нивните тела беа положени во ист гроб. Светите Петар и Февронија претставуваат образец за христијанското сопружништво. Со своите молитви тие испраќаат небесен благослов на оние што стапуваат во брак.
