Свештеномаченик Терентиј (Терциј), епископ Икониски

21 јуни (по стар стил)

Светиот Терциј е еден од 70-те апостоли. По потекло од Коринт, беше еден од најблиските ученици и соработници на светиот апостол Павел. Познато е дека посланието на апостолот Павел кон Римјаните беше напишано од апостолот Терциј, бидејќи апостолот Павел, според неговото сопствено сведоштво, имаше неразбирлив ракопис кој беше тешко да се препишува. Дека Терциј го пишувал ова послание дознаваме и од самото послание, каде што ги читаме следните зборови: „Ве поздравувам и јас, Терциј, кој го напиша ова послание“ (Рим. 16, 22). Светиот апостол Терциј беше епископ во Иконија после светиот апостол Сосипатр, и таму се удостои да прими маченички венец. Пострада во I век, беше прободен со зашилено дрво.