Маченици Арчил II, цар Иверски (744), и Луарсаб II, цар Карталински (1622) (Грузија)

21 јуни (по стар стил)

Арчил беше син на царот Стефан, а внук на великиот грузиски цар Вахтанг. Царот Арчил, голем христијанин и заштитник на христијанството, беше мачен од муслиманите и заклан за Христа на 20 март 744 година. Имаше осумдесет години кога пострада за Господа и се пресели во блажената вечност.

Георгиј III, таткото на Луарсаб, исто така пострада за верата, отруен од персискиот шах. Самиот Луарсаб беше фрлен во некој затвор близу Ширас, во којшто остана седум години. Потоа на наредба од шахот Абас I беше обесен во затворот со двајца слуги, на 21 јуни 1622 година. На неговиот гроб е видена небесна светлина.