Значење на името

Параскева

Женско име

Оригиналната форма на името е: Παρασκευή

Името е со грчко потекло.

Значење на името: зборот означува „подготовка“ и е ден за подготовка пред Сабатот, т.е. саботата, затоа денот петок на грчки се вика Παρασκευή. Словенската варијанта на ова име е Петка.

Во нашиот народ се прославуваат три различни светителки со ова име: преподобномаченичката Параскева (Петка) римска, пострадана во II век, маченичка Параскева (Петка) од Иконија, пострадана во III век и преподобната Параскева (Петка) од XI век, родена во близината на Цариград.

Именден

Преподобномаченичка Параскева (138-161) се празнува на 26 јули (по стар стил), т.е. 8 август (по нов стил).

Други светители со ова име се:

• Маченичка Параскева, наречена Петка (III) се празнува на 28 октомври (по стар стил), т.е. 10 ноември (по нов стил).
• Преподобна Параскева (XI) се празнува на 14 октомври (по стар стил), т.е. 27 октомври (по нов стил).
• Маченичка Параскева и други со неа се празнува на 20 март (по стар стил), т.е. 2 април (по нов стил).
• • Праведна Параскева, дева Пириминска, Пинешка се празнува на 28 октомври (по стар стил), т.е. 10 ноември (по нов стил).