Значење на името

Дамјан

Машко име

Оригиналната форма на името е: Δαμιανός

Името е со грчко потекло.

Значење на името: од глаголот δαμάζω - смирува, скротува, покорува, значи „оној кој скротува“.

Името Дамјан обично се поврзува со светите бесребреници Козма и Дамјан. Треба да се напомене дека постојат три различни двојки Козма и Дамјан: првите живееле и пострадале (од завидливоста на својот учител) во Рим, во 284 година, вторите живееле и мирно се упокоиле во Азија, исто во III век по Христа, а третите Козма и Дамјан се Арапи, пострадани од гонителите на Христијаните, во Киликија на почетокот на IV век.

Именден

Бесребреници и чудотворци Козма и Дамјан Азиски и нивната мајка преподобна Теодотија (III) се празнува на 1 ноември (по стар стил), т.е. 14 ноември (по нов стил).

Други светители со ова име се:

• Бесребреници Козма и Дамјан, во Рим пострадани (284) се празнува на 1 јули (по стар стил), т.е. 14 јули (по нов стил).
• Маченици бесребреници Козма и Дамјан, Арапски, пострадани во Киликија и нивните браќа, мачениците Леонтиј, Антим и Евтропиј (287 или 303) се празнува на 17 октомври (по стар стил), т.е. 30 октомври (по нов стил).
• • Преподобен Дамјан, пустињак Сириски (V) се празнува на 23 февруари (по стар стил), т.е. 8 март (по нов стил).
• • Преподобен Дамјан Есфигменски се празнува на 23 февруари (по стар стил), т.е. 8 март (по нов стил).
• • Новомаченик Дамјан, монах Атонски (1658) се празнува на 23 февруари (по стар стил), т.е. 8 март (по нов стил).
• Преподобни Дамјан презвитер, исцелител (1071), Печерски, во блиските пештери се празнува на 5 октомври (по стар стил), т.е. 18 октомври (по нов стил).