Свети маченички Валентина, Павла и Енафија
10 февруари (по стар стил)
Светите маченички Валентина, Павла и Енафија пострадаа за верата Христова, во Палестина, во 308 година при императорот Максимијан II Галериј (308-313), од обласниот управител Фирмилијан. Светата Енафија беше од околината на Газа, светата Валентина од Кесарија Палестинска, а светата Павла - од околината на Кесарија. Валентина беше доведена во идолопоклонички храм за да принесе жртва. Наместо тоа, таа фрли камен во жртвеникот и му сврте грб на жртвениот оган. Заради тоа беше претепана, и на крај обезглавена. Сличен крај имаа и маченичките Енафија и Павла.
