Седумнаесет Индиски преподобни маченици

27 ноември (по стар стил)

Христијански монаси, пострадаа од индискиот цар Авенир. Царот Авенир се разлути на старецот Варлам затоа што го крсти царскиот син Јоасаф, та испрати потери по Варлам. Потерите не го фатија Варлам, но фатија други седумнаесет монаси и ги доведоа пред царот. Царот ги осуди на смрт, па откако најнапред им ги избодоа очите, им ги отсекоа јазиците, им ги искршија нозете и рацете, најпосле ги убија со меч. Но, со крвта на овие Христови витези уште повеќе се утврди Христовата вера во Индиското царство.