Светиот блажен Василиј, јуродив Московски
2 август (по стар стил)
Татко му се викаше Јаков, а мајка му Ана. Во својата шеснаесетта година се предаде на подвиг на јуродство и во тој тежок подвиг издржа седумдесет и две години. Сè на сè живееше осумдесет и осум години. Немаше никакво постојано пребивалиште. Исправаше грешници, укоруваше големци, прорекуваше вистинито, имаше далечински виденија. Откако се изнатрпи во глад, во мраз, во човечки навреди, Му ја предаде својата света душа на Господ. На неговиот погреб дојдоа и царот Иван и московскиот митрополит. Погребан е во храмот на Пресвета Богородица во Москва, кој потоа се нарече со неговото име и кој денес се наоѓа на Црвениот плоштад.
