Светата маченичка Маркела
22 јули (по стар стил)
На островот Хиос оваа светителка ужива огромна почит. Во нејзината црква постојано се случуваат чуда. Но, нејзиното житие е непознато. Според преданието, Маркела била необично побожна девојка која рано останала без мајка. Нејзиниот незнабожен и ѕвероподобен татко сакал да живее со ќерката како со жена, па Маркела побегнала од татко ѝ. Но, овој, разјарен како вистински ѕвер, ја стигнал и ја исекол на парчиња. Во близина на нејзиниот храм се наоѓаат некои камења коишто овде-онде биваат како со крв попрскани. Тие камења народот ги зема, ги носи в црква, ѝ се моли на света Маркела, па ги полага врз болни, и од тоа оздравуваат.
