Светата маченичка Фервута и нејзината сестра вдовица и нивната робинка

4 април (по стар стил)

Во времето на персискиот цар Савориј беше погубен светиот епископ Симеон. Неговата сестра Фервута по желба на царицата ја зедоа во дворецот. Но, таа беше необично убава и затоа навалија многубројни кандидати за женидба, меѓу кои имаше и незнабожечки гатачи и жреци. Фервута ги одби сите и со ова предизвика против себеси голем гнев. Бидејќи во тоа време се разболе царицата, гатачите му објаснија на царот дека е отруена од Фервута, а на болната царица како лек и го препорачаа ова: Фервута, нејзината сестра и нивната робинка како христијанки да се престругаат со пила, трите половини на нивните тела да се состават на една страна, а другите три половини на друга, а царицата да се протне меѓу нив. Царот се согласи со овој крволочен предлог на гатачите. Фервута, нејзината сестра и нивната робинка пострадаа за Христа во 343 година, со ваква смрт влегувајќи во бесмртното царство на Господа Христа.