Преподобен Никон Печерски

23 март (по стар стил)

Другар на Свети Антониј Печерски и духовен отец на Преподобниот Теодосиј. Затоа што ги потстрижа во монаштво бојаринот Варлам и евнухот Ефрем беше загрозен од кнезот Изјаслав, но кнегињата го обрати гневот на овој кнез во страв Божји, па тој го остави светиот Никон. Сакајќи да го украси храмот со икони Никон Му се молеше на Бога за помош. И заради неговите молитви ненадејно дојдоа во Киев од Цариград едни Грци иконописци на коишто во видение им се јавиле Светите Антониј и Теодосиј и ги упатиле кај Никон во Киев. Прочуен е по своите смели подвизи и по духовната мудрост. Во староста против неговата волја го избраа за печерски игумен. Се претстави кај Господа во 1066 година. Неговите нетлени мошти се чуваат во киевските пештери.