Преподобен Сава Псковски и Крипецки

28 август (по стар стил)

По потекло Србин. Се подвизуваше најпрво во Псковскиот манастир на Пресвета Богородица, каде што беше игумен. Меѓутоа, бидејќи го славеа, тој бегаше од човечка слава. Се оддалечи на брегот на езерото Крипец и таму основа обител во име на свети Јован Богослов. Сепак ниту таму не можеше да се скрие од славата и прочуеноста. Го посети и псковскиот кнез Јарослав со жена си. Сава не ѝ дозволи на жената да влезе во манастирот, но ја благослови и Му се помоли на Бога за неа надвор од манастирот, при што ја исцели од некоја болест. Овој Божји светител се упокои во 1495 година. Неговите мошти тогаш беа и сега се чудотворни.